1974.urtean sortu zen Euskal Akordeoi Konfederazioa izenarekin, eta 1999an HAUSPOZ izena hartu zuen; Euskal Herriko Akordeoi Elkartea/Asociación Vasca de Acordeón.

Gaur egun Euskalherri osoko bazkideak ditu, eta baita Europako beste zenbait tokietako bazkideak ere. CIAko (Conferation Internationale des Accordeonistes) partaide da eta baita UNESCOko (International Music Council) partaide ere.

Jatorrian akordeoiaren ikasketa bultzatzea eta herrialdeko akordeoi maila bai pedagogikoki, bai interpretzazio mailan igotzea zuen helburu. Horretarako Bakarlarientzat lehenengo Akordeoi Txapelketa antolatzen hasi zen estatu mailan “Gipuzkoako Akordeoi Txapelketa” deitua, 1975eko apirilaren 20an lehenengo aldiz Tolosan ospatu zena.

1.988an frogen zailtasuna europako beste zenbait txapelketen mailan jartzen da, eta maila honetara iristen ez diren partaideentzat paraleloki ospatzen den txapelketa antolatzen hasi zen “Gipuzkoako Festibala” deitua.

1.993an txapelketa nazioarteko mailara igotzea beharra bihurtu zen eta “Arrasate Hiria I Nazioarteko Txapelketa” jaio zen, 32 urterarteko maila bakarrarekin. Gaur egun, aipaturiko txapelketa honek ez du adin mugarik. Nazioarte mailan izen handikoa da eta nazioarteko akordeolari goraipatuek bertan parte hartu izan dute, bai partaide gisa, bai epaimahai gisa.